भाद्र १६। अखिल नेपाल फुटबल संघ एन्फाले यू-१९ साफ च्याम्पियनसिप विजेता टोलीका सदस्यहरुलाई जनही २ लाख रुपैयाँ दिने निर्णय गरेको छ ।
एन्फा कार्यसमितिको मंगलबार बसेको बैठकले प्रत्येक खेलाडीलाई नगदसहित पुरस्कृत गर्ने निर्णय गरेको हो । एन्फाले खेलाडीहरुको सम्मानका लागि आफूसँग आवद्ध ४५ जिल्लाबाट एक लाख रुपैयाँ संकलन गर्ने बताएको छ ।
साथै खेलाडीहरुलाई प्रोत्साहनका लागि कर्पोरेट हाउसहरुलाई आग्रह गरिने एन्फाले जनाएको छ ।
शनिबार काठमाडौंमा सम्पन्न यू-१९ साफ च्याम्पियनसिपमा भारतलाई पराजित गर्दै नेपालले दुई दशकपछि अन्तराष्ट्रिय फुटबलको उपाधि उचालेको थियो ।एन्फाले अदालतको आदेश अनुसार भोलि १६ गतेका लागि तय भएको साधारणसभा स्थगित गरेको छ । अर्को मितिपछि तय गरिने उसले बताएको छ ।
0 comments:
Post a Comment